ಕೆಂದಾವರೆಯ ಹಾಸಿಗೆಯಲ್ಲಿ ,
ಚಿಗುರೆಲೆಯನ್ನು ಹೊದ್ದು ಮಲಗಿರುವ,
ಚಂದ್ರ ಚಕೋರಿಗೆ, ಚಂದ್ರಮನ ಶಶಿ ಕಿರಣವನ್ನು ಅಳಿಸಿ,
ಇಬ್ಬನಿಯನ್ನು ಕರಗಿಸಿ, ಹಕ್ಕಿಗಳ ಎಬ್ಬಿಸಿ,
ಚಿಲಿಪಿಲಿಗಳ ನುಡಿಸಿ,
ಬೆಳ್ಳಿ ರಥದ ಮೇಲೆ ಬಂದ,
ಉದಯ ರವಿಯ ಉಷಾಕಿರಣದ,
ಪ್ರಥಮ ಚುಂಬನ,
ಇಂತಿ ನಿನ್ನ ಪ್ರೀತಿಯ …
ಕಂಪನ
ಒಂದೆ ಸಮನೆ ನಿಟ್ಟುಸಿರು ಪಿಸುಗುಡುವ ತೀರದ ಮೌನ
ತುಂಬಿ ತುಳುಕೊ ಕಂಗಳಲಿ ಕರಗುತಿದೆ ಕನಸಿನ ಬಣ್ಣ
ಎದೆಯ ಜೋಪಡಿಯ ಒಳಗೆ ಕಾಲಿಡದೆ ಕೊಲುತಿದೆ ಒಲವು
ಮನದ ಕಾರ್ಮುಗಿಲಿನ ತುದಿಗೆ ಮಳೆಬಿಲ್ಲಿನಂತೆ ನೋವು
ಕೊನೆಯಿರದ ಏಕಾಂತವೆ ಒಲವೆ
ಒಂದೆ ಸಮನೆ ನಿಟ್ಟುಸಿರು ಪಿಸುಗುಡುವ ತೀರದ ಮೌನ
ತುಂಬಿ ತುಳುಕೊ ಕಂಗಳಲಿ ಕರಗುತಿದೆ ಕನಸಿನ ಬಣ್ಣ
ಜೀವಾ ಕಳೆವಾಮೃತಕೆ ಒಲವೆಂದು ಹೆಸರಿಡಬಹುದೆ
ಪ್ರಾಣ ಉಳಿಸೊ ಕಾಯಿಲೆಗೆ ಪ್ರೀತಿಯೆಂದೆನ್ನಬಹುದೆ
ಹೊಂಗನಸ ಚಾದರದಲ್ಲಿ ಮುಳ್ಳಿನ ಹಾಸಿಗೆಯಲ್ಲಿ ಮಲಗಿ
ಯಾತನೆಗೆ ಮುಗುಳ್ನಗು ಬರಲು ಕಣ್ಣ ಹನಿ ಸುಮ್ಮನೆ ಒಳಗೆ
ಅವಳನ್ನೆ ಜಪಿಸುವುದೆ ಒಲವೆ
ಜೀವಾ ಕಳೆವಾಮೃತಕೆ ಒಲವೆಂದು ಹೆಸರಿಡಬಹುದೆ
ಪ್ರಾಣ ಉಳಿಸೊ ಕಾಯಿಲೆಗೆ ಪ್ರೀತಿಯೆಂದೆನ್ನಬಹುದೆ
ನಾಲ್ಕು ಪದದಾ ಗೀತೆಯಲಿ ಮಿಡಿತಗಳ ಬಣ್ಣಿಸಬಹುದೆ
ಮೂರು ಸ್ವರದ ಹಾಡಿನಲಿ ಹೃದಯವನು ಹರಿಬಿಡಬಹುದೆ
ಉಕ್ಕಿಬರುವ ಕಂಠದಲಿ ನರಳುತಿದೆ ನಲುಮೆಯ ಗಾನ
ಬಿಕ್ಕಳಿಸುವ ಎದೆಯೊಳಗೆ ನಗುತಲಿದೆ ಮಡಿದ ಕವನ
ಒಂಟಿತನದ ಗುರುವೆ ಒಲವೆ
ಹೇ ಹೇ ಹೇ.. ಆಹಾಹ..
ತನನಾನ ತನನಾನ ತನನಾನನ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ
ನಿನ್ನಿಂದಲೇ ನಿನ್ನಿಂದಲೇ ಮನಸಿಂದು ಕುಣಿದಾಡಿದೆ
ಈ ಎದೆಯಲ್ಲಿ ಸಿಹಿಯಾದ ಕೋಲಾಹಲ
ನನ್ನೆದುರಲ್ಲಿ ನೀ ಹೀಗೆ ಬಂದಾಗಲೆ
ನಿನ್ನ ತುಟಿಯಲ್ಲಿ ನಗುವಾಗುವ ಹಂಬಲ
ನಾ ನಿಂತಲ್ಲೇ ಹಾಡಾದೆ ನಿನ್ನಿಂದಲೇ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ
ನಿನ್ನಿಂದಲೇ ನಿನ್ನಿಂದಲೇ ಮನಸಿಂದು ಕುಣಿದಾಡಿದೆ
ಇರುಳಲ್ಲಿ ಜ್ವರದಂತೆ ಕಾಡಿ ಈಗ
ಹಾಯಾಗಿ ನಿಂತಿರುವೆ ಸರಿಯೇನು ?
ಬೇಕಂತಲೇ ಮಾಡಿ ಏನೋ ಮೋಡಿ
ಇನ್ನೆಲ್ಲೊ ನೋಡುವ ಪರಿಯೇನು
ಈ ಮಾಯೆಗೆ ಈ ಮರುಳಿಗೆ
ನಿನ್ನಿಂದ ಕಳೆ ಬಂದಿದೆ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ
ಹೇ ಹೇ ಹೇ.. ಆಹಾಹ..
ತನನಾನ ತನನಾನ ತನನಾನನ
ಹೋದಲ್ಲಿ ಬಂದಲ್ಲಿ ಎಲ್ಲ ನಿನ್ನ
ಸೊಂಪಾದ ಚೆಲುವಿನ ಗುಣಗಾನ
ಕೇದಗೆ ಗರಿಯಂತೆ ನಿನ್ನ ನೋಟ
ನನಗೇನೋ ಅಂದಂತೆ ಅನುಮಾನ
ಕಣ್ಣಿಂದಲೆ ಸದ್ದಿಲ್ಲದೆ
ಮುದ್ದಾದ ಕರೆ ಬಂದಿದೆ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ
ಅರಳುತಿರು ಜೀವದ ಗೆಳತಿ
ಸ್ನೇಹದ ಸಿಂಚನದಲ್ಲಿ
ಬಾಡದಿರು ಸ್ನೇಹದ ಹೂವೆ
ಪ್ರೇಮದ ಬಂಧನದಲ್ಲಿ
ಮನಸಲ್ಲೇ ಇರಲಿ ಭಾವನೆ
ಮಿಡಿಯುತಿರಲಿ ಮೌನವೀಣೆ
ಹೀಗೆ ಸುಮ್ಮನೆ
ಅರಳುತಿರು ಜೀವದ ಗೆಳತಿ……!!
ಹಕ್ಕಿಯು ಹಾಡಿದೆ
ತನ್ನ ಹೆಸರನು ಹೇಳದೆ
ಸಂಪಿಗೆ ಬೀರಿದೆ ಕಂಪನು
ಯಾರಿಗು ಕೇಳದೆ
ಬೀಸುವ ಗಾಳಿಯ ಹಕ್ಕಿಯ ಹಾಡಿನ
ನಂಟಿಗೆ ಹೆಸರಿನ ಹಂಗಿಲ್ಲ
ನಮಗೇಕೆ ಅದರ ಯೋಚನೆ
ಬೇಡ ಗೆಳತಿ ನಂಟಿಗೆ ಹೆಸರು
ಯಾಕೇ ಸುಮ್ಮನೆ ಏ.ಏ..
ಅರಳುತಿರು ಜೀವದ ಗೆಳತಿ…..!!
ಮಾತಿಗೆ ಮೀರಿದ
ಭಾವದ ಸೆಳೆತವೆ ಸುಂದರ
ನಲುಮೆಯು ತುಂಬಿದ
ಮನಸಿಗೆ ಬಾರದು ಬೇಸರ
ಬಾಳ ದಾರಿಯಲಿ ಬೇರೆ ಆದರು
ಚಂದಿರ ಬರುವನು ನಮ್ಮ ಜೊತೆ
ಕಾಣುವೆನು ಅವನಲಿ ನಿನ್ನನೇ
ಇರಲಿ ಗೆಳತಿ ಈ ಅನುಬಂಧ
ಹೀಗೇ ಸುಮ್ಮನೆ……..!!!
ಅರಳುತಿರು ಜೀವದ ಗೆಳತಿ
ಸ್ನೇಹದ ಸಿಂಚನದಲ್ಲಿ
ಬಾಡದಿರು ಸ್ನೇಹದ ಹೂವೆ
ಪ್ರೇಮದ ಬಂಧನದಲ್ಲಿ
ಮನಸಲ್ಲೇ ಇರಲಿ ಭಾವನೆ
ಮಿಡಿಯುತಿರಲಿ ಮೌನವೀಣೆ
ಹೀಗೆ ಸುಮ್ಮನೆ
ಅರಳುತಿರು ಜೀವದ ಗೆಳತಿ……..!!!!
“ದೀಪವೂ ನಿನ್ನದೇ,
ಗಾಳಿಯು ನಿನ್ನದೇ,
ಆರದಿರಲಿ ಬೆಳಕು…..
ಕಡಲೂ ನಿನ್ನದೇ,
ಹಡಗೂ ನಿನ್ನದೇ,
ಮುಳುಗದಿರಲಿ ಬದುಕು….”
“ಕಾಣದ ಕಡಲಿಗೆ ಹಂಬಲಿಸಿದೆ ಮನ //
ಎಲ್ಲಿರುವುದೋ ಅದು, ಎಂತಿರುವುದೋ ಅದು,
ನೋಡಬಲ್ಲೆನೆ ಒಂದು ದಿನ,
ಕಡಲನು, ಕೂಡಬಲ್ಲೆನೇ ಒಂದು ದಿನ//”
//ವಿಧಿಗೆ… //
ಓ ವಿಧಿಯೇ ,
ಯಾಕಿಸ್ಟು “ಕ್ರೌರ್ಯ ” ನಿನಗೆ?!
ನಿನಗಿಲ್ಲ ಯಾರೂ ಎಣೆ,ನಂಬುವವಳು ನಾನಲ್ಲ ,
ಆದರೂ,ನೀ ಒಡ್ಡುವ ಪರೀಕ್ಷೆಗಳಿಗೆಲ್ಲಿಯ ಎಣೆ ,
ನೀ ಹಿಡಿದ ಬ್ಯಾಟಿನ “ಸಿಕ್ಸರಿಗೆ “,
ಮೊಳೆ ಮಾಂಸ ಗಳ “ಚಂಡು” ನಾನು ,
ನೀ ಹೇಗೆ ಅರಿಯೆ ನಮ್ಮಗಳ ಆಳ ,
ಭಾವಗಳ ತಳ ಮಳ..
ವಿಧಿಯೇ ನೀನು ನನ್ನ ಪರಮ ವೈರಿ ,
ಓಡು, ತಪ್ಪಿಸಿಕೊ ,ನಿನ್ನ ಬಂದ ಬೇಡ ನನಗೆ,
ಸೆರೆ ಸಿಕ್ಕರೆ ,ನಿನಾಗುವುದು ಖಂಡಿತ,
ನನ್ನ ಅಂಗಳದಲಿ ,”ಕಾಲ್ಚೆಂಡು”.
ನಿಮ್ಮ ಮನೆ ಮಗಳು,
दिशा/ದಿಶಾ/DISHA
ಹದಿ ಹರೆಯ
ಹದಿ ಹರೆಯದ ವಯಸ್ಸು
ಲಗಾಮಿಲ್ಲದ ಮನಸ್ಸು
ಸಾವಿರಾರು ಸವಿಗನಸುಗಳು
ಅದರಲ್ಲಿ ಹತ್ತಾರು ಹೊಂಗನಸುಗಳು
ಬಯಕೆಗಳನ್ನು ಈಡೇರಿಸಲಾಗದ ದಾಹ
ಕೆಲವರಿಗಂತೂ ಮದುವೆಯ ಮೋಹ
ಪ್ರೀತಿಯ ಬಲೆಗೆ ಬಿದ್ದು ಬಲ್ಲವರ ತೊಳಲಾಟ
ಸರಸ ವಿರಸಗಳೊಂದಿಗೆ ಒಡನಾಟ
ಅನೇಕರಿಗೆ ಜೀವನ ರೂಪಿಸುವ ತವಕ
ಕೆಲವರಿಗೆ ಸೋಲು ಗೆಲುವಿನ ಅಳುಕ
ಸಾದನೆಯ ಹಾದಿಯಲಿ ಗರಿಕೆದರಿ ನಿಂತರೆ
ಹಲವರು ತಮ್ಮ ಕಪಿ ಮುಷ್ಟಿಯಿಂದ ನೀಡುವರು ತೊಂದರೆ
ಅರಿತು ನಡೆದರೆ ಸುಧೀರ್ಘ ಬಾಳು
ಆಲಸ್ಯಯ ತೋರಿದರೆ ಪಡಬೇಕಾದಿತು ಗೋಳು.
// ರಾತ್ರಿ ರಾಣಿ //
ಕತ್ತಲು ನನ್ನಿಸ್ಟದ ಗೆಳತಿ
ನನ್ನ ಏಕಾಂತದ ಸಂಗಾತಿ/
ಕತ್ತಲಲ್ಲೇ, ಚಂದ್ರಮಳ ಆಗಮನ,
ಗಗನದ ತುಂಬೆಲ್ಲ “ಚುಕ್ಕಿ”ಗಳ ರಂಗೋಲಿ,
ಮುಖವಾಡಗಳ ಹಗಲನ್ನು
ದ್ವೇಷಿಸುತ್ತೇನೆ ನಾನು..?!
ಹಗಲಿನ ಕ್ರೌರ್ಯಗಳನ್ನೂ ಮರೆಮಾಡಿ,
ರಜನಿ ಕೈ ಹಿಡಿದು ನಡೆಸುತ್ತಾಳೆ,
ನಿದ್ರೆಯ ಮಂಚದಲ್ಲಿ
ಸವಿಗನಸು ಗಳ ಲಾಲಿ ಹಾಡುತ್ತಾಳೆ,
ಚುಕ್ಕಿ ಚಂದ್ರಮರು ಕಾವಲಿಗೆ,
ಹಗಲಿನ ಹಸಿವು,ಮೋಸ, ತಳಮಳ,
ಎಲ್ಲವೂ “ಶೂನ್ಯ” ಇಲ್ಲಿ,
ಶೂನ್ಯತೆ ಯಲ್ಲೇ ಬದುಕಿನ “ಪರಿಪೂರ್ಣತೆ”
ಕತ್ತಲೆ ಹೊಸ ಸೃಷ್ಟಿಯ ವೇದಿಕೆ,
ಬತ್ತಲಿನಲ್ಲೇ ಬದುಕಿನ ಮರ್ಮ,
ಭುವಿ-ಭಾನು ಗಳ ಮೈಥುನ,
ಅಂತರಂಗ-ಬಹಿರಂಗ ಗಳ ಪರದೆ ಸರಿಸಿ
“ತಮ್ಮತನ” ಗಳ ಅನಾವರಣ..!!
ಮತ್ತೆ ಬೆಳಗಾಗುತ್ತೆ,
ಬೆಚ್ಚುತ್ತೇನೆ ಹಗಲು ನೆನೆದು,
ಕಾಯುತ್ತೇನೆ, ರಾತ್ರಿ ರಾಣಿಗೆ,
ಅರಹುತ್ತೇನೆ, “ರಜನಿಯೇ ಬಂದು ನನ್ನ ಅಪ್ಪಿಕೋ”
ಕನಸುಗಳ ಹೆಣೆಯುತ್ತ , ಈ ಜಗವ ಮರೆಯುತ್ತ,
ನಿನ್ನಲ್ಲೇ, ಲೀನವಾಗಿ “ಸಮಾಧಿ” ಯಾಗುತ್ತೇನೆ,
ಬೆಳಗಿನ ಹಂಗು ಬೇಡ ಎನಗೆ ……?!
ನಿಮ್ಮ ಮನೆ ಮಗಳು,
दिशा/ದಿಶಾ/DISHA
Welcome to Kannadavedike.net. This is your first post. Edit or delete it, then start blogging!