kannadigara kavanagalu

ಬದುಕು ಕಟ್ಟಿ ಕೊಳ್ಳಲಿಕ್ಕೆ ಒಂದ ಷ್ಟು ದಿನ ! ಕಟ್ಟಿದ ಬದುಕನ್ನು ಉಳಿಸಿ ಕೊಳ್ಳಲಿಕ್ಕೆ ಮತ್ತಷ್ಟು ದಿನ !
ಹೇಗೆ ಏನು ಮಾಡಿದರೂ ಒಂದಲ್ಲ ಒಂದಿನ ! ಬದುಕು ಬಿಟ್ಟೆ ಹೋಗುವ ಜೀವನ !
ಆದರೂ ಬದುಕಿಗಾಗಿ ಎಲ್ಲ ! ಜನರೆಲ್ಲ ಜಗವೆಲ್ಲ !
ಗಂಡೆಂಬ ಹೆಣ್ಣೆಂಬ ಭೇದ ವಿಲ್ಲ ! ಹುಡುಕಿದರೂ ಸಿಗದ ಪ್ರೀತಿಯ ಹುಡುಕುವರೆಲ್ಲ!
ಸಿಕ್ಕಿದ ಪ್ರೀತಿಯ ದಕ್ಕಿಸಿ ಕೊಳ್ಳಲಾಗುವುದಿಲ್ಲ! ಅದರ ನೆನಪಿನಲೆ ಜೀವನವೆಲ್ಲ !
ಇದರಲಿ ಪಡೆದದ್ದು ಎಷ್ಟು ? ಪಡೆ ಯಲಗದ್ದು ಎಷ್ಟು ! ನಿರಂತರ ಪಯಣ ! ನೆನಪಿನ ಜೊತೆಯಲೇ ಜೀವನ !
ಒಲವಿನ ನೆನಪಲಿ ಈ ನನ್ನ ಕವನ !

ಬದುಕೇ ಇಲ್ಲದವರ ನಡುವೆ ಬದುಕು ಹುಡುಕು !
ಅದರಲಿ ನೀ ಕಾಣು ಬಾಳಿನ ಬೆಳಕು !
ಇನ್ನೊಬ್ಬರ ಸಂತೋಷದಿ ನೆಮ್ಮದಿಯನು ಕಂಡಿಕೋ !
ಅವರಿವರು ಅಗುತಾರೆ ಎಂದು ಯಾರಿಗೂ ಕಾಯಬೇಡ !
ನಿನ್ನ ಕಾರ್ಯವ ನೀ ಮಾಡಿಕೊಳ್ಳುವುದು ಮರೆಯಬೇಡ !
ನಿನ್ನಲ್ಲಿ ನಂಬಿಕೆಯ ನೀ ಕಳೆದುಕೊಳ್ಳಬೇಡ !
ಯಾರೇನೆ ಅಂದರೂ ನಿನ್ನ ಧೈರ್ಯವ ಕಳೆದುಕೊಳ್ಳಬೇಡ !
ಏಕೆಂದರೆ ಯಾರು ಯಾರಿಗೂ ಕಾಯುವುದಿಲ್ಲ ! ಅದು ನೀ ಮರೆಯಬೇಡ

ಸ್ನೇಹಲೋಕದ ಸ್ನೇಹಿತರಿಗೆ,ಸ್ನೇಹಿತೆಯರಿಗೆ ಸ್ನೇಹದ ದಿನದ ಶುಭಾಶಯಗಳು…..
ಆಗಸದಸ್ಟು ವಿಶಾಲ, ಕಡಲಸ್ಟು ಆಳ,ಹಿಮಾಲಯದಸ್ಟು ಎತ್ತರ ನಮ್ಮ ಸ್ನೇಹ,
ಬರಡಾದ ಬದುಕಿಗೆ ಭಾವನೆಗಳ ಚಿಲುಮೆ ಈ ಸ್ನೇಹ,
ಸೋತ ಮನಸಿಗೆ ಸ್ಪೂರ್ತಿ ಈ ಸ್ನೇಹ,
ನಡೆದಸ್ಟು ದೂರ ಜೊತೆಗಿರುವುದೀ ಸ್ನೇಹ, ಕೊನೆಯೆಂಬುದ ಕಾಣದ ಈ ಸ್ನೇಹ,
ಪದಗಳಲಿ ಬರೆಯಲಾಗದ, ಮಾತಿನಲ್ಲಿ ಹೇಳಲಾಗದ ಈ ಸ್ನೇಹ,
ತನಗಾಗಿ, ತನ್ನವರಿಗಾಗಿ, ತನು ಮನವ ಧಾರೆಯೆರೆಯುವ ಸ್ನೇಹ,
ಅಡೆ ತಡೆ ಇಲ್ಲದೆ, ಕೊನೆ ಮೊದಲಿಲ್ಲದೆ, ಹಸ್ತ ಚಾಚಿದೆ ಈ ಸ್ನೇಹ,
ಆದಿಯನ್ನು ಮಾತ್ರ ಕಂಡು ಅಂತ್ಯವನ್ನೇ ಕಾಣದ ಈ ಸ್ನೇಹ,
ಸ್ನೇಹದ ಕಡಲಲ್ಲಿ, ಭಾವನೆಗಳ ದೋಣಿಯೇರಿ,
ಕವನಗಳ ಬಲೆಯ ಬೀಸಿ,ಪ್ರೀತಿಯ ಅಲೆಗಳ ಮೇಲೆ,ಸ್ನೇಹಿತರ ಬರಸೆಳೆಯುವ,
ಇಂತಿ ನಿಮ್ಮ ಪ್ರೀತಿಯ…
ಕಂಪನ

ಮುಂಜಾನೆಯ ಚುಮು ಚುಮು ಚಳಿಯಲ್ಲಿ ನಿನ್ನ ಬೆಚ್ಚನೆ ಸ್ಪರ್ಶ ಕಂಡೆ,
ಮುಂಗುರುಳಿಗೆ ಮುತ್ತಿಡುವ ತಂಗಾಳಿಯಲ್ಲಿ ನಿನ್ನ ಮೊಗವ ಕಂಡೆ,
ಸಂಗೀತದ ಅಲೆಗಳ ಮೇಲೆ ತೇಲಿ ಬಂದ ಸುಪ್ರಬಾತದ ಸ್ವರದಲ್ಲಿ ನಿನ್ನ ಮೌನ ಕಂಡೆ,
ಹೊಂಗಿರಣಗಳ ಬೆಳಕಿನಲ್ಲಿ ನಿನ್ನ ನಗುವ ಕಂಡೆ,
ಎಳೆ ಬಳ್ಳಿಯ ಹೊಯ್ದಾಟದಲ್ಲಿ ನಿನ್ನ ನಡಿಗೆಯ ಕಂಡೆ,
ಸೋನೆ ಮಳೆಯಂತೆ ಸುರಿದ ನಿನ್ನ ಪ್ರೀತಿಯಲ್ಲಿ, ನನ್ನ ಹೃದಯವ ನೆನೆಸಿಕೊಂಡೆ,
ಸಾಗರದಂಥ ನನ್ನ ಮನಸಿನ ಭಾವನೆಗಳ ನೀ ಹಂಚಿಕೊಂಡೆ……….
ಇನ್ನು ಕಾಯಿಸಬೇಡ ನನ್ನ, ಕಪ್ಪೆಚಿಪ್ಪಿನ ಮುತ್ತಂತೆ,
ಕಣ್ಣೀರ ಕಡಲಲ್ಲಿ ತೇಲುವ ಬಿಂಬದಂತೆ ಕಾಯುವೆ ನಿನ್ನ,
ಇಂತಿ ನಿನ್ನ ಪ್ರೀತಿಯ …
ಕಂಪನ

ಕೆಂದಾವರೆಯ ಹಾಸಿಗೆಯಲ್ಲಿ ,
ಚಿಗುರೆಲೆಯನ್ನು ಹೊದ್ದು ಮಲಗಿರುವ,
ಚಂದ್ರ ಚಕೋರಿಗೆ, ಚಂದ್ರಮನ ಶಶಿ ಕಿರಣವನ್ನು ಅಳಿಸಿ,
ಇಬ್ಬನಿಯನ್ನು ಕರಗಿಸಿ, ಹಕ್ಕಿಗಳ ಎಬ್ಬಿಸಿ,
ಚಿಲಿಪಿಲಿಗಳ ನುಡಿಸಿ,
ಬೆಳ್ಳಿ ರಥದ ಮೇಲೆ ಬಂದ,
ಉದಯ ರವಿಯ ಉಷಾಕಿರಣದ,
ಪ್ರಥಮ ಚುಂಬನ,
ಇಂತಿ ನಿನ್ನ ಪ್ರೀತಿಯ …
ಕಂಪನ

ಒಂದೆ ಸಮನೆ ನಿಟ್ಟುಸಿರು ಪಿಸುಗುಡುವ ತೀರದ ಮೌನ

ತುಂಬಿ ತುಳುಕೊ ಕಂಗಳಲಿ ಕರಗುತಿದೆ ಕನಸಿನ ಬಣ್ಣ

ಎದೆಯ ಜೋಪಡಿಯ ಒಳಗೆ ಕಾಲಿಡದೆ ಕೊಲುತಿದೆ ಒಲವು

ಮನದ ಕಾರ್ಮುಗಿಲಿನ ತುದಿಗೆ ಮಳೆಬಿಲ್ಲಿನಂತೆ ನೋವು

ಕೊನೆಯಿರದ ಏಕಾಂತವೆ ಒಲವೆ

ಒಂದೆ ಸಮನೆ ನಿಟ್ಟುಸಿರು ಪಿಸುಗುಡುವ ತೀರದ ಮೌನ

ತುಂಬಿ ತುಳುಕೊ ಕಂಗಳಲಿ ಕರಗುತಿದೆ ಕನಸಿನ ಬಣ್ಣ

ಜೀವಾ ಕಳೆವಾಮೃತಕೆ ಒಲವೆಂದು ಹೆಸರಿಡಬಹುದೆ

ಪ್ರಾಣ ಉಳಿಸೊ ಕಾಯಿಲೆಗೆ ಪ್ರೀತಿಯೆಂದೆನ್ನಬಹುದೆ

ಹೊಂಗನಸ ಚಾದರದಲ್ಲಿ ಮುಳ್ಳಿನ ಹಾಸಿಗೆಯಲ್ಲಿ ಮಲಗಿ

ಯಾತನೆಗೆ ಮುಗುಳ್ನಗು ಬರಲು ಕಣ್ಣ ಹನಿ ಸುಮ್ಮನೆ ಒಳಗೆ

ಅವಳನ್ನೆ ಜಪಿಸುವುದೆ ಒಲವೆ

ಜೀವಾ ಕಳೆವಾಮೃತಕೆ ಒಲವೆಂದು ಹೆಸರಿಡಬಹುದೆ

ಪ್ರಾಣ ಉಳಿಸೊ ಕಾಯಿಲೆಗೆ ಪ್ರೀತಿಯೆಂದೆನ್ನಬಹುದೆ

ನಾಲ್ಕು ಪದದಾ ಗೀತೆಯಲಿ ಮಿಡಿತಗಳ ಬಣ್ಣಿಸಬಹುದೆ

ಮೂರು ಸ್ವರದ ಹಾಡಿನಲಿ ಹೃದಯವನು ಹರಿಬಿಡಬಹುದೆ

ಉಕ್ಕಿಬರುವ ಕಂಠದಲಿ ನರಳುತಿದೆ ನಲುಮೆಯ ಗಾನ

ಬಿಕ್ಕಳಿಸುವ ಎದೆಯೊಳಗೆ ನಗುತಲಿದೆ ಮಡಿದ ಕವನ

ಒಂಟಿತನದ ಗುರುವೆ ಒಲವೆ

ಹೇ ಹೇ ಹೇ.. ಆಹಾಹ..
ತನನಾನ ತನನಾನ ತನನಾನನ

ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ
ನಿನ್ನಿಂದಲೇ ನಿನ್ನಿಂದಲೇ ಮನಸಿಂದು ಕುಣಿದಾಡಿದೆ
ಈ ಎದೆಯಲ್ಲಿ ಸಿಹಿಯಾದ ಕೋಲಾಹಲ
ನನ್ನೆದುರಲ್ಲಿ ನೀ ಹೀಗೆ ಬಂದಾಗಲೆ
ನಿನ್ನ ತುಟಿಯಲ್ಲಿ ನಗುವಾಗುವ ಹಂಬಲ
ನಾ ನಿಂತಲ್ಲೇ ಹಾಡಾದೆ ನಿನ್ನಿಂದಲೇ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ
ನಿನ್ನಿಂದಲೇ ನಿನ್ನಿಂದಲೇ ಮನಸಿಂದು ಕುಣಿದಾಡಿದೆ

ಇರುಳಲ್ಲಿ ಜ್ವರದಂತೆ ಕಾಡಿ ಈಗ
ಹಾಯಾಗಿ ನಿಂತಿರುವೆ ಸರಿಯೇನು ?
ಬೇಕಂತಲೇ ಮಾಡಿ ಏನೋ ಮೋಡಿ
ಇನ್ನೆಲ್ಲೊ ನೋಡುವ ಪರಿಯೇನು
ಈ ಮಾಯೆಗೆ ಈ ಮರುಳಿಗೆ
ನಿನ್ನಿಂದ ಕಳೆ ಬಂದಿದೆ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ

ಹೇ ಹೇ ಹೇ.. ಆಹಾಹ..
ತನನಾನ ತನನಾನ ತನನಾನನ

ಹೋದಲ್ಲಿ ಬಂದಲ್ಲಿ ಎಲ್ಲ ನಿನ್ನ
ಸೊಂಪಾದ ಚೆಲುವಿನ ಗುಣಗಾನ
ಕೇದಗೆ ಗರಿಯಂತೆ ನಿನ್ನ ನೋಟ
ನನಗೇನೋ ಅಂದಂತೆ ಅನುಮಾನ
ಕಣ್ಣಿಂದಲೆ ಸದ್ದಿಲ್ಲದೆ
ಮುದ್ದಾದ ಕರೆ ಬಂದಿದೆ
ನಿನ್ನಿಂದಲೇ ನಿನ್ನಿಂದಲೇ ಕನಸೊಂದು ಶುರುವಾಗಿದೆ

ಅರಳುತಿರು ಜೀವದ ಗೆಳತಿ
ಸ್ನೇಹದ ಸಿಂಚನದಲ್ಲಿ
ಬಾಡದಿರು ಸ್ನೇಹದ ಹೂವೆ
ಪ್ರೇಮದ ಬಂಧನದಲ್ಲಿ
ಮನಸಲ್ಲೇ ಇರಲಿ ಭಾವನೆ
ಮಿಡಿಯುತಿರಲಿ ಮೌನವೀಣೆ
ಹೀಗೆ ಸುಮ್ಮನೆ
ಅರಳುತಿರು ಜೀವದ ಗೆಳತಿ……!!
ಹಕ್ಕಿಯು ಹಾಡಿದೆ
ತನ್ನ ಹೆಸರನು ಹೇಳದೆ
ಸಂಪಿಗೆ ಬೀರಿದೆ ಕಂಪನು
ಯಾರಿಗು ಕೇಳದೆ
ಬೀಸುವ ಗಾಳಿಯ ಹಕ್ಕಿಯ ಹಾಡಿನ
ನಂಟಿಗೆ ಹೆಸರಿನ ಹಂಗಿಲ್ಲ
ನಮಗೇಕೆ ಅದರ ಯೋಚನೆ
ಬೇಡ ಗೆಳತಿ ನಂಟಿಗೆ ಹೆಸರು
ಯಾಕೇ ಸುಮ್ಮನೆ ಏ.ಏ..
ಅರಳುತಿರು ಜೀವದ ಗೆಳತಿ…..!!
ಮಾತಿಗೆ ಮೀರಿದ
ಭಾವದ ಸೆಳೆತವೆ ಸುಂದರ
ನಲುಮೆಯು ತುಂಬಿದ
ಮನಸಿಗೆ ಬಾರದು ಬೇಸರ
ಬಾಳ ದಾರಿಯಲಿ ಬೇರೆ ಆದರು
ಚಂದಿರ ಬರುವನು ನಮ್ಮ ಜೊತೆ
ಕಾಣುವೆನು ಅವನಲಿ ನಿನ್ನನೇ
ಇರಲಿ ಗೆಳತಿ ಈ ಅನುಬಂಧ
ಹೀಗೇ ಸುಮ್ಮನೆ……..!!!
ಅರಳುತಿರು ಜೀವದ ಗೆಳತಿ
ಸ್ನೇಹದ ಸಿಂಚನದಲ್ಲಿ
ಬಾಡದಿರು ಸ್ನೇಹದ ಹೂವೆ
ಪ್ರೇಮದ ಬಂಧನದಲ್ಲಿ
ಮನಸಲ್ಲೇ ಇರಲಿ ಭಾವನೆ
ಮಿಡಿಯುತಿರಲಿ ಮೌನವೀಣೆ
ಹೀಗೆ ಸುಮ್ಮನೆ
ಅರಳುತಿರು ಜೀವದ ಗೆಳತಿ……..!!!!

“ದೀಪವೂ ನಿನ್ನದೇ,
ಗಾಳಿಯು ನಿನ್ನದೇ,
ಆರದಿರಲಿ ಬೆಳಕು…..

ಕಡಲೂ ನಿನ್ನದೇ,
ಹಡಗೂ ನಿನ್ನದೇ,
ಮುಳುಗದಿರಲಿ ಬದುಕು….”

“ಕಾಣದ ಕಡಲಿಗೆ ಹಂಬಲಿಸಿದೆ ಮನ //
ಎಲ್ಲಿರುವುದೋ ಅದು, ಎಂತಿರುವುದೋ ಅದು,
ನೋಡಬಲ್ಲೆನೆ ಒಂದು ದಿನ,
ಕಡಲನು, ಕೂಡಬಲ್ಲೆನೇ ಒಂದು ದಿನ//”